Kapitel 30 (Auszug)

He wull sick blaus bekanntmaken – Er wollte sich nur vorstellen

(...) Uut de Richt Fossbiärg kümp gemak `n Piärwagen dän Knapp harup. Van lucht, van Overbeck galopeert een Rider up`n Schiemel haran.Mainee! denkt de Magister, mäer Bedriew äs in Mönster up`n Doomplaats.`n jung Wicht sitt up dän Schiemel. Sowat üm twintigjäörig - dat Wicht, nich dat Piärd!
De Lärer trätt unner dän Bliärvüörhang haruut up`n Wägg.
In`n sölwigen Augenslagg brakt de Schiemel üm `n Hiäseltenbusk harüm un up em an.
Dat Piärd vöfeert sick, gait met alle veer Bene to glieke Tiet in de Lucht, fränsket äs wann em de Wulf an de Struote sitt, smitt de Riderin af un jagt dän Wäg up Kiärkhusen to.
De Lärer springt nao dat Wicht hän, dat lang in de Kruuphaide ligg un knait niäben üör.
Hätt se dat Gnack bruoken? Is se daud? Aor is se in`n Gausehiemel? Wat nu?
He denkt an siene Wannervuegeltiet un de "Erste Hilfe bei Unfällen im Sportunterricht".
Lucht! Lucht bruukt de Malörte! Hiemd lossmaken! - Aower bie`n Wicht?
He kann üör doch nich an de Blausenknöppe gaon. Wann`t auk `ne Sportblause is.
Liäwt dat Wicht üöwerhaups no?
He baigt sick wat daiper, villicht kann he üörn Aom spüörn, dä ...

... dä, dao ligg use Häer Lärer äs van`n Dunnerkiel druopen niäben sien `Opper'!
Nee, van dän Slag üöwer`n Dassel kann he nich viell miäkt häbben.
Dän spüört he iärst, wann he wier bie sick is. Jau, aower dänn - dagelang!
Neeneenee! Nich, wat du denks! Et was nich höggere Gewaolt, de em daalslaon hätt.
Aor wuss du Krisjan Pingelpott, Buer Wulfert`s Grautknächt äs höggere Gewaolt beteeknen?
(...)



Illustration: Christian Gödde
© Paul Gödde




    Was nun folgt und 29 weitere Geschichten, finden Sie in diesem Buch:

    Paul Gödde
    Duorpgeschichten uut Kiärkhusen
    Verlag Buchhandlung Winkelmann, Recklinghausen
     9,80 €